Жаңартылған білім-жаңаша көзқарас

29 қараша  күні №9 мектеп-гимназиясында жаңартылған білімберу мазмұны аясында

5,7- сынып мұғалімдеріне арналған облыстық оқыту семинары болып өтті. Семинарға аудан көлемінде 5,7- сынып мұғалімдері қатысты. Семинардың негізгі идеясы Бурабай ауданының білім беру ұйымдарында жаңартылған білім беру мазмұнын енгізу жағдайында орта буынның

сабақ үрдісінде педагогқа үнемі әдістемелік көмекті көрсету, оқу бағдарламасын жүзеге асыруда туындаған сұрақтар бойынша жедел кеңес алу,  инновациялық тәжірибені  қолдану болып табылады. Бұл семинардың мақсаты жаңартылған білім беру мазмұны талаптарына  сәйкес 5,7-сынып мұғалімдерінің практикалық жұмысқа дайындығына көмек көрсету және жаңартылған білім беру мазмұны енгізуде педагогтармен кері байланысты қамтамасыз ету. Семинарда білім беру жүйесін жаңарту жағдайындағы  сұрақтарды

талқылау үшін ойталқы алаңы құрылды.  Семинар барысында мұғалімдер сабақ үрдісінде туындаған барлық сұрақтарын талқылап, жауаптарын ала білді. Бағдарлама аясында №9 мектеп-гимназиясының география пәні мұғалімі Сердалин Сайран Дәуренұлы, тарих және география пәнінің мұғалімі Олжанова Әсем Казезтаевна ашық сабақтар өткізді. Көкшетау қаласынан келген ПШО тренері Г. Пазылова мен облыстық басқарманың әдістемелік кабинетінен келген өкілдерімен мұғалімдер арасында жақсы шығармашылық сұхбат болды.

Мұғалімдер жаңартылған білім беру мазмұны шеңберінде біраз пайдалы кеңестер алды.