Жас ару-2017

Арулар – аяулылар, ардақтылар,

Өмірдің жылуы боп қалмақ бұлар.

  Арулар – тіршілікке күре тамыр,

Өмірді бір – біріне жалғап тұрар.

 -демекші 2017 жылдың  қараша айының 23 жұлдызында Щучинск қаласы аудандық  мәдениет үйінде Елордамыз Астананың  20-жылдығына орай, кішкентай ханшайымдар арасындағы «Жас ару – 2017» байқауына № 9 мектеп – гимназиясының  2 «а» сынып оқушысы Әміржан Арай Жасұланқызы, 3 «б» сынып оқушысы Шортамбай  Жансұлу Қайратқызы қатысты. Аталмыш байқауға өз бақтарын сынауға ниет білдірген  7 – 10  жас аралығындағы 16 ару қатысты. Төрт кезеңнен құралған бұл байқаудың шарттары мен талаптарын кішкентай ханшайымдарымыз бұлжытпай орындады десем көп айтқаным емес. Байқау кезеңдеріне тоқталатын болсам  «Қанеки, танысайық!» , «Салт – дәстүр», «Өнерлі өрге жүзер», «Дефиле».

Қазылар алқасы әрбір қатысушының өздерін сахнада ұстай білуіне өнеріне тәнті болды. Байқау қорытындысы бойынша әрбір ханшайым тәж, диплом және бағалы сыйлықтармен марапатталды.

Әміржан Арай Жасұланқызы – «Сұлу періште ару», Шортамбай  Жансұлу Қайратқызы – «Ақылды қыз» номинациясымен марапатталды.Тоқсан ауыз сөзімнің тобықтай түйінін келтіретін болсам жас буын бойына патриоттық тәрбиені сіңіретін әсем де көркем іс – шараларымыз көп болса екен.