ҰБТ-ға дайындық жұмысы

Білім алушының емтихан тапсыру ережесі

Білім алушының міндеті:

1. Емтихан болатын аудиторияға сабақ кестесінде көрсетілген уақыттан 20 минут бұрын келуге. Кешіккен білім алушылар емтиханға жіберілмейді!

2. Жеке заттарын аудиторияда арнайы бөлінген орынға қалдыруға;

3. Өзімен бірге тек қаламсап және емтихан сессиясына жіберілгені туралы мөр басылған сынақ кітапшасы болуына. Сынақ кітапшасы жоқ білім алушылар емтиханға жіберілмейді;

4. Қатысу парағына қол қойып, сынақ кітапшасын емтихан қабылдаушы үстеліне қалдырып, емтихан қабылдаушы айтқан орынға отыруға;

5. Емтихан қабылдаушының нұсқауларын мұқият тыңдап орындауға;

6. Емтихан қабылдаушыдан емтихан жауап парағын алуға;

7. Емтихан жауап парағының сұрағы түсініксіз немесе жауап парағында факультет мөрі болмаған жағдайда емтихан қабылдаушыға хабарлауға;

8. Қосымша жауап парағы керек болған жағдайда емтихан қабылдаушыдан сұрауға;

9. Емтихан жауап парағындағы сұрақтарға көрсетілген уақыттан ерте жауап берген жағдайда, емтихан

қабылдаушыға емтихан жауап парағын өткізіп, аудиториядан шығуға.

  Білім алушыға тыйым салынады:

1. Уақыт тәртібін бұзуға;

2. Шпаргалка, мобильді телефон (қосылған немесе өшірілген) және тағы басқа электронды құрылғыларды

пайдалануға;

 3. Өзара сөйлесуге, тәртіп бұзуға және емтихан қабылдаушының рұқсатынсыз орнынан тұрып аудитория ішінде жүруге;

 4. Корректор қолдануға;

5. Емтихан жауап парағын басқа білім алушыларға беруге;

6. Жауап парағында әртүрлі белгілер (білім алушының аты-жөні немесе тағы басқа таңбалар) қалдыруға;

7. Емтихан жауап парағын өзімен бірге алып кетуге;

8. Емтихан уақыты бітпей жауап парағының сұрақтарына толық жауап бермеген білім алушылар аудиториядан тұрып кетуге;

9. Емтихан аяқталысымен емтихан жауап парақтарын өткізуге кедергі жасауға.

  Жоғарыда көрсетілген ережелердің бірін немесе бірнешеуін бұзған білім алушы

емтиханнан шығарылады және қайта тапсыру құқығынан айырылады!

* емтиханда емтихан қабылдаушының қызметін ОПҚ кезекші оқытушы атқарады;

** әр студентке қосымша бір жауап парағы беріледі.

АТА-АНАЛАРҒА КЕҢЕС

Құрметті ата-аналар!

Психологиялық қолдау – балаңыздың ҰБТ-ны сәтті тапсыруының бірден-бір маңызды факторы. Баланы қалай қолдау керек?

-  Оның күшті жақтарына сүйеніңіз.

-  Балаңыздың нашар жақтарын бетіне басудан аулақ болыңыз.

 -  Үйде достық жағдай қалыптастырыңыз.

-  Үйде сабақ қарауға ыңғайлы орын дайындаңыз.

-  Пән бойынша әртүрлі нұсқадағы тест тапсырмаларын дайындаңыз.

-  Балаңызға әр күнге дайындық тақырыбын бөлуге көмектесіңіз.

-  Бір уақытта қатал әрі мейірімді болыңыз, бірақ судья рөлінде болмаңыз.

-  Балаңызды қолдаңыз, оның уайымдап жүргенін түсінетініңізді көрсетіңіз.

-  ҰБТ-ның алдында баланың үрейін жоғарылатпаңыз – бұл нәтиженің төмендеуіне әкелуі мүмкін.

-  Баланың ҰБТ-ға дайындық режимін бақылаңыз.

-  Уақытты үнемдеуге үйретіңіз.

-  Тамақтануына көңіл бөліңіз: баланың ақыл-ой жұмысы уақытында нәрлі және алуан түрлі тағам қажет.

-  Балаңыздың хал-жағдайын бақылаңыз, оның әбден жалығуына жол бермеңіз.

-  Тестілеу алдында балаңыздың толық демалуын қамтамасыз етіңіз.

Есіңізде болсын: ең негізгісі – дұрыс ниет, баланың өз мүмкіндіктерін бағалай алуы, уақытты дұрыс бөлу және жүйелі дайындық.

Емтиханды сәтті тапсыру көбіне баланың көңіл-күйіне және соған ата-анасының қатынасына байланысты. Баланың емтиханға дұрыс дайындалуына көмектесу үшін бірнеше кеңесті орындап көріңіз:

·  Балаңыздың емтиханда алатын ұпай саны сізді мазаламайтынын көрсетіңіз. Ұпай саны білімін толық көрсете алмайтынына  сендіріңіз.

 ·  Емтихан алдында балаңыздың үрейін жоғарылатпаңыз – бұл нәтиженің төмендеуіне әкелуі мүмкін. Жас

ерекшелігіне сәйкес бала өзінің эмоциясына ие бола алмай бірдеңе бүлдіріп қоюы мүмкін.

·  Үйдегілердің ешқайсысы бөгет жасамайтындай баланың сабақ қарауына ыңғайлы орын қамтамасыз етіңіз.

·  Тест тапсырмалары бойынша жаттығулар уақытында уақытты үнемдеуге және оны дұрыс бөлуге үйретіңіз.

·  Емтиханға дайындық режимін бақылаңыз және шамадан артық оқуға жол бермеңіз.

·  Тамақтануына көңіл бөліңіз. Балық, ірімшік, жаңғақ және тағы басқалар адам миының жұмыс істеуін жақсартады.

·  Емтихан алдында балаңыздың толық демалуын қамтамасыз етіңіз, ол демалуы және ұйқысын қандыруы қажет.

·  Емтиханнан кейін баланы сынамаңыз.

·  ЕСІҢІЗДЕ БОЛСЫН: негізгісі – уайымын, үрейін төмендету және баланың сабақ қарауына жағдай жасау.