Алғашқы қоңырау

Білім күні

02.09.2017 күні №9 мектеп-гимназиясында  «Сәлем саған, алтын ұя мектебім!» атты  мерекелік жиыны болып өтті. Жиынға 1-11 сынып оқушылары мен ұстаздар, ата-аналар қатысты. Мерекелік жиын«Таңшолпан » би ансамблінің қазақ биімен   ашылды. Ортада оқушылар тәуелсіздікке, 12 жылдық білімге,байланысты ұранды сөздерін айтып, көпшіліктің назарын аударды. Салтанатты жиынды мектеп директоры Кушекова Бибігүл Қуанышқызы құттықтау сөзімен ашты.Салтанатты  жиынға ардагерлер атынан Жанбаева Бибігүл Бейсенбайқызы  құттықтау сөз сөйледі.  Сонымен қатар, ата-аналар атынан Бақытбек Ақсали да өз құттықтауын жеткізді. 12-жылдық сыныпқа қабылданған 1 сынып оқушылары музыка әуенімен ортаға шақырылды. 1 сынып оқушылары мен 11 сынып оқушысы және ұстаз арасындағы диалог көптің көңілінен шықты. Салтанатты жиынның маңызды сәті алғашқы қоңырау соғу мәртебесі 11 сынып оқушысы Кенжетаев Алихан, 1 сынып оқушылары Аймахан Нұрислам, Байкешова Жансұлу, Әскербек Інжу, Жүсіп Надира бұйырды. Салтанатты жиыннан кейін сынып жетекшілер оқушылармен «Мен өз елімнің патриотымын» тақырыбында сынып сағаттарын өткізді. Білім күніндегі   іс-шаралар жоспарланған түрде, жүйелі, тартымды өтті.